På stølen har vi ei laftehytte du og dine kan bu i, for ei natt eller to, eller så lenge du vil. Året rundt!
Hytta er lita og sjarmerande, med stor takhøgde og rikeleg med sjarm. Har du nokon gong berre sett deg ned, og høyrt kor stilt det er? Her har du sjansa.

​

Stølen og området rundt er uendeleg vakkert. Opplevinga med aktivt stølsliv er uforgløymeleg. Fjell, folk og dyr gjer noko med deg. Vi har hatt gjester frå heile verda, og tilbakemeldingane er eintydige, både frå nordmenn, franskmenn, australiarar, kinesarar og canadiarar: det er befriande godt å ha det enkelt! 

​

Booking

Bestill superenkelt via AirBnB på datoane du ynskjer, og få bekrefta di bestilling med det same!
(Vinterstid er det minimum to netter). 

​

Du kan også sende oss ein e-post dersom det er enklare for deg. 

​

Hytta er lita, men romsleg. Ho består av to rom; eit soverom og eit rom med kjøkken og stue. Det er høgt under taket, god gjennomlysning og plassen er godt utnytta. Utanfor er det stor platting med utemøblar og bålpanne. Her kosar gjestane våre seg utover i den lyse sumarnatta med god mat og drikke. Vinterstid forlengar bålpanna dagen fordi det då er så koseleg å grille pølser og varme seg med kakao rundt bålet medan skumringa sig på. 

​

Hytta har matkjeller og kjøleskap, og gassbluss til matlaging, og bålpanne til grilling/steiking ute.

Det er ei dobbeltseng og tre enkeltsenger. Hytta er perfekt for ein familie på tre eller fire. Mange av våre gjester kjem også i gruppe på fem, og alle reiser att strålande nøgde.

​

Året rundt er det aktivitetar å finne på: sykling, ski, fjellturar, bading, padling, fiske, grilling, leiking...

Du kjem garantert ikkje til å kjede deg!